Chat cu Mente Positivo

Un bon dia y un feliz siman. Di nos curazon nos kier a comparti cu b’e energia di amor, paz y felicidad p’asina hunto nos alcans’e paz colectivo. Ban papia paz y ban enfoca nos mes solamente rib’e aspectonan positivo di bida.

E simia di sabiduria

Awe nos ta bai papia di “E asunto serio di Felicidad”. Esaki t’un pelicula unda diferente filosofia ta trata di splica kico kiermen felicidad y kico pa abo ta felicidad? Ora di hasi e pregunta aki bo lo realisa con importante e ta. Si abo ta puntra bo mes si abo ta feliz, e ora ey bo NO ta feliz. Felicidad t’ un estado unda abo tin paz interno. Hopi filosofianan ta bisa nos cu nos mester ta den e momento. Pone atencion caminda cu bo ta awor aki, locual bo wowonan ta wak, locual bo oreanan ta scucha, locual ful bo curpa ta den dje y paden di bo, esey ta presente. N’e momento cu den bo mente y abo ta bay den locual a pasa ayera anochi, b’a laga los for d’e presente; hasi esaki solamente pa saca locual t’e enseñanza. Si abo ta pensa riba locual bo ta bay hasi mas lat of mañan, esey    

kiermen cu bo a laga e presente tambe. Bo curpa ta na un caminda y bo mente ta na otro tempo. Esaki ta sosode solamente den nos mente. E dia cu nos logra tin nos mente hunto cu nos curpa fisico, unda nos ta na e momento ey, e ora aki nos lo realisa cu nos por wak algo corectamente sin husg’e. Den budismo ta wordo bisa cu nos tin 8 dualidad, ban menciona uno Placer y Dolor. Algo ta duna mi placer of algo ta hasi mi dolor. Nos ta bibando bida den e dos extremonan aki. Ban realisa cu bida no ta den extremo, tin un area mei mei unda nos por algo sin pone un “label” riba dje. Ora cu nos logra stop huicio, tur evaluacion, nos lo papia di paz interno, dominando nos pensamentonan. Ora esaki sosode, bo lo permiti e sabiduria di bo alma ta presente den e momento. Aki bo lo saca ideanan briyante cu sabiduria. N’e momento aki bo lo ta feliz, cu paz interno. Pone bo mente riba un di e balornan grandi, manera felicidad, paz y compasion p’asina bo lo ta feliz.

E bril diferente

Aruba, den e weganan di reino Aruba a haña logronan di oro den “baseball” y landamento. Den weganan aki a reina un ambiente hopi deportivo c’a trece hopi positivismo, alegria y felicidad. Ayera nochi “Love and Light’‘ a presenta e pelicula “The Serious business of happiness”.

Love signals

Cantica di awe ta “Learn to love you”. Siña stima bo mes, e luz paden di bo. E ta bisa si b’a yega di sconde p’asina tanto tempo, pero djis keda wanta. Si bo busca den bo mes y stima esun cu ta paden di bo, esaki lo sanea tur dolo. Esun eyden ta conecta cu tur otro. Learn to love you” ta papia di siña scucha bo curason, esaki lo conecta nos cu tur ser bibo. Ora bo siña scucha bo curason, bo lo lag’e forsa di paden cuidabo.

Dialogo

Tin un situacion na Aruba y nos ta pidi tur hende para keto. Aparentemente tin un malesa andando. Abo mester sint’e siguiente sintomanan: pone atencion si bo ta sinti bo cabes “light”, si bo ta sinti manera cu bo curpa kier flota y bay den nubianan, si abo tin un formacion straño na bo cara, vooral den e area di bo boca, si bo tin un formacion den e area di bo lipnan, si nan ta bay den direccion di bo oreanan, anto tur bo djentenan kier sali. E malesa aki ta un virus, a nace den e aire y e ta hopi leu riba nos isla. E yama H1P2S3, “Happiness”, enbes di bo sera e porta y bay den cuarentena, nos ta pidi bo habri e porta y contagia otro cu e malesa aki.  Esaki a bira Pandemic categoria 12 di Felicidad. Nos ta yame un “Bonesa” en bes di malesa. Ta trata di nos manera di pensa y ora nos ta na e presente. E ta un estado di consciencia, un momento puro sin distraccion. E ta sosode ora bo ta conecta conscientemente no solamente cu bo alma pero cu tur otro almanan, compartiendo cu otro.

E peor enemigo di felicidad ta memoria. Pakico corda di e cosnan positivo c’a pasa si nos por crea na cada momento un situacion nobo di felicidad sin importa kico nos ta bibando. Corda cu asina cu nos perde nos paz y nos mente calmo nos ta perde felicidad.

Ta importante pa duna forsa na locual ta positivo. Duna forsa na felicidad, na paz. Un hende por contagia otro cu pensamentonan di felicidad.

Pensa felicidad y bo lo sinti felicidad.

Den e pelicula “the serious business of happiness” nan ta bisa cu si abo ta “unhappy” ta pasobra bo ta bezig cu bo mes, bo ta e centro di tur cos. N’e momento cu bo ta pensa riba otro, esaki lo cambia.

Cada uno di nos mester tuma e responsabilidad y dicidi di ta feliz, di ta un comunidad uni y biba dunando esaki contenido.

Ora bo ta topa un hende dun’e un Bon dia, un Feliz dia, saludando e divinidad den e otro hende, esaki lo contagia tur rond di bo, hasiendo nan y abo feliz.

 Realisa cu felicidad t’ey y bo tin cu ta habri p’e.

Nos mester tuma accion pa duna y hasi felicidad. Ora nos ta hasi algo cu otronan den nos mente e ta un acto di felicidad.

 Afirmacion:

“Cada dia den tur forma ami ta bira miho y miho, cada dia den tur forma abo ta bira miho y miho, cada dia den tur forma nos ta bira miho y miho, cada dia den tur forma bida ta bira miho y miho.”

Dor di haci esaki tur dia, bo ta habri bo mes p’e regalonan di bida y finalmente bida ta cuminsa bai bon p’abo y tur cu ta rond di bo.  CORDA mantene bo mente positivo.

Un bon dia y un feliz siman. Di nos curazon nos kier a comparti cu b’e energia di amor, paz y felicidad p’asina hunto nos alcans’e paz colectivo. Ban papia paz y ban enfoca nos mes solamente rib’e aspectonan positivo di bida.

E simia di sabiduria

Awe nos ta bai papia di “E asunto serio di Felicidad”. Esaki t’un pelicula unda diferente filosofia ta trata di splica kico kiermen felicidad y kico pa abo ta felicidad? Ora di hasi e pregunta aki bo lo realisa con importante e ta. Si abo ta puntra bo mes si abo ta feliz, e ora ey bo NO ta feliz. Felicidad t’ un estado unda abo tin paz interno. Hopi filosofianan ta bisa nos cu nos mester ta den e momento. Pone atencion caminda cu bo ta awor aki, locual bo wowonan ta wak, locual bo oreanan ta scucha, locual ful bo curpa ta den dje y paden di bo, esey ta presente. N’e momento cu den bo mente y abo ta bay den locual a pasa ayera anochi, b’a laga los for d’e presente; hasi esaki solamente pa saca locual t’e enseñanza. Si abo ta pensa riba locual bo ta bay hasi mas lat of mañan, esey    

kiermen cu bo a laga e presente tambe. Bo curpa ta na un caminda y bo mente ta na otro tempo. Esaki ta sosode solamente den nos mente. E dia cu nos logra tin nos mente hunto cu nos curpa fisico, unda nos ta na e momento ey, e ora aki nos lo realisa cu nos por wak algo corectamente sin husg’e. Den budismo ta wordo bisa cu nos tin 8 dualidad, ban menciona uno Placer y Dolor. Algo ta duna mi placer of algo ta hasi mi dolor. Nos ta bibando bida den e dos extremonan aki. Ban realisa cu bida no ta den extremo, tin un area mei mei unda nos por algo sin pone un “label” riba dje. Ora cu nos logra stop huicio, tur evaluacion, nos lo papia di paz interno, dominando nos pensamentonan. Ora esaki sosode, bo lo permiti e sabiduria di bo alma ta presente den e momento. Aki bo lo saca ideanan briyante cu sabiduria. N’e momento aki bo lo ta feliz, cu paz interno. Pone bo mente riba un di e balornan grandi, manera felicidad, paz y compasion p’asina bo lo ta feliz.

E bril diferente

Aruba, den e weganan di reino Aruba a haña logronan di oro den “baseball” y landamento. Den weganan aki a reina un ambiente hopi deportivo c’a trece hopi positivismo, alegria y felicidad. Ayera nochi “Love and Light’‘ a presenta e pelicula “The Serious business of happiness”.

Love signals

Cantica di awe ta “Learn to love you”. Siña stima bo mes, e luz paden di bo. E ta bisa si b’a yega di sconde p’asina tanto tempo, pero djis keda wanta. Si bo busca den bo mes y stima esun cu ta paden di bo, esaki lo sanea tur dolo. Esun eyden ta conecta cu tur otro. Learn to love you” ta papia di siña scucha bo curason, esaki lo conecta nos cu tur ser bibo. Ora bo siña scucha bo curason, bo lo lag’e forsa di paden cuidabo.

Dialogo

Tin un situacion na Aruba y nos ta pidi tur hende para keto. Aparentemente tin un malesa andando. Abo mester sint’e siguiente sintomanan: pone atencion si bo ta sinti bo cabes “light”, si bo ta sinti manera cu bo curpa kier flota y bay den nubianan, si abo tin un formacion straño na bo cara, vooral den e area di bo boca, si bo tin un formacion den e area di bo lipnan, si nan ta bay den direccion di bo oreanan, anto tur bo djentenan kier sali. E malesa aki ta un virus, a nace den e aire y e ta hopi leu riba nos isla. E yama H1P2S3, “Happiness”, enbes di bo sera e porta y bay den cuarentena, nos ta pidi bo habri e porta y contagia otro cu e malesa aki.  Esaki a bira Pandemic categoria 12 di Felicidad. Nos ta yame un “Bonesa” en bes di malesa. Ta trata di nos manera di pensa y ora nos ta na e presente. E ta un estado di consciencia, un momento puro sin distraccion. E ta sosode ora bo ta conecta conscientemente no solamente cu bo alma pero cu tur otro almanan, compartiendo cu otro.

E peor enemigo di felicidad ta memoria. Pakico corda di e cosnan positivo c’a pasa si nos por crea na cada momento un situacion nobo di felicidad sin importa kico nos ta bibando. Corda cu asina cu nos perde nos paz y nos mente calmo nos ta perde felicidad.

Ta importante pa duna forsa na locual ta positivo. Duna forsa na felicidad, na paz. Un hende por contagia otro cu pensamentonan di felicidad.

Pensa felicidad y bo lo sinti felicidad.

Den e pelicula “the serious business of happiness” nan ta bisa cu si abo ta “unhappy” ta pasobra bo ta bezig cu bo mes, bo ta e centro di tur cos. N’e momento cu bo ta pensa riba otro, esaki lo cambia.

Cada uno di nos mester tuma e responsabilidad y dicidi di ta feliz, di ta un comunidad uni y biba dunando esaki contenido.

Ora bo ta topa un hende dun’e un Bon dia, un Feliz dia, saludando e divinidad den e otro hende, esaki lo contagia tur rond di bo, hasiendo nan y abo feliz.

 Realisa cu felicidad t’ey y bo tin cu ta habri p’e.

Nos mester tuma accion pa duna y hasi felicidad. Ora nos ta hasi algo cu otronan den nos mente e ta un acto di felicidad.

 Afirmacion:

“Cada dia den tur forma ami ta bira miho y miho, cada dia den tur forma abo ta bira miho y miho, cada dia den tur forma nos ta bira miho y miho, cada dia den tur forma bida ta bira miho y miho.”

Dor di haci esaki tur dia, bo ta habri bo mes p’e regalonan di bida y finalmente bida ta cuminsa bai bon p’abo y tur cu ta rond di bo.  CORDA mantene bo mente positivo.