Chat cu Mente Positivo

  Un bon dia na tur y un feliz comienso di siman.

 Na prome luga un danki na tur e hendenan special cu ta para tras di e programa aki y cu ta pone den practic’e lema cu ta:

“solamente hende por yuda hende”.

Kico si ta bon:

Kico ta un ilusion? Ilusion ta algo cu abo ta kere cu ta berdad. Pero no necesariamente e ta berdad. Ilusion bo por cambi’e dor di cambia bo pensamento y creencianan. Por ehempel nos celebracion di carnaval. Henter aña bo ta biba di un manera y pa e temporada di carnaval bo ta dicidi pa disfrasa y biba cierto ilusion. Dus bo ta kies pa cambia bo ilusion y celebra carnaval.   Ban cuminsa realisa cu cada momento abo por kies y dicidi cu bo ta bai disfrasa bo mes y cu ABO ta bai cuminsa biba feliz. Ora cu ABO haci esaki bo ta bai wak e banda positivo den tur momento. Ban crea un ilusion awor aki di ta feliz, positivo y ban hac’e  tur dia. Ban hasi e esfuerso pa cambia bo manera di pensa, di sinti y di haci. Positivismo ta hechonan, no ta simplemente palabra!!!!!

Bril diferente:

Ban wak carnaval manera algo positivo pa pone bo sinti bon. E ta algo pa kita “stress” y pa disfruta di dje. Paso e ta algo bunita. E dia di san valentino ta un dia pa comparti, e no ta algo limita, e ta pa tur hende. E ta un celebracion pa brinda amor na tur bo sernan keri y demostra e amor aki na tur hende. Na Europa tin un kambio tumando luga. Den política e cambio ta eliminando discriminación y negatisvismo. Su política a wordo nenga door di Inglaterra unda cu e la trata di impone su política. Ban comprende cu tin cambionan tumando luga y nos tin cu brinda respect y balor na tur creencia y pensamento mundialmente. Mundialmente a honra y recorda e científico Darwin pa motivo di su teoria di evolusion. Na Merca a honra e ex presidente Lincoln kende tabata un persona masha humilde cu a yuda hopi e ser humano pa desaroya y evoluciona.

Esaki ta e esencia cu nos emster trece y na Aruba pa aisna nos por tin unión y nos compronde cu hunto nos por miho.

E bentana di nos bida:

Awe nos tin e tema di amor verdadero. E amor berdadero bo ta hañe den Dios, den e alma divino, den cada un di nos. Un relacion sea amoroso of amistoso di berdad y duradero ta un relacion cu tin e amor di nos alma. Amor di alma ta un sentimento hopi profundo den cada ser humano. E amor di bo alma tin cu completa e otro amor di bo alma. Amor di alma ta un sentimento di conexion. Ora bo topa e amor di bo alma, “bo soul love” ta mescos cu bo propio pensamento y palabranan ta bini di mes bisando esaki t’e persona cu mi kier tin den mi bida sea ta pa un relacion amistoso of amoroso. Nos alma no ta un identidad físico. E no tin curpa. Pero si e ta un entidad cu capacidad y completamente conciente di tur locual cu ta pasa cu nos. E alma di ser humano ta inmortal y e  ta pa yuda cumpli cu e deseo humano. C’e amor di alma nos como sernan humano ta ser guía cada momento den nos bida. Tambe ta mustra nos errornan y ta yudanos trece un cambio. Nos alma gemela ta e persona cu ta cana banda di nos cu ta scucha nos. E no ta huzga ni pone autoridad riba nos. E ta yuda nos y acepta nos manera nos ta. Semper e dos almanan aki por tin differencianan, e relasion mester keda amistoso of amoroso unda ta reina e respet, amor y hasta e aprecio pa e differencianan aki. Nos alma sa di nos pensamento y sentimentonan; nos alma ta tur caminda den nos curpa y den e aire cu nos ta suspira. Dos alma cu amor aki semper lo keda conecta cu otro.

Love signals:

Cantica: Stand by me

Cantante: Ben E king

E cantica aki ta recorda nos di free hugs. Caminda cu diferente hende nan ta cantando y ta expresa amor na otro.  

Bon guía y tipsnan practico:

E palabra di awe ta : Resillience. (elasticidad)

Locual cu nos kier siña nos muchanan ta resillience. E ta manera un boei. Un boei cu ora bo pushe bow di awa no ta importa kico ta socode e boei ta busca manera pa salva su mes y bai bek na unda tin aire. E muchanan ta absorbe tur cos cu nan ta haña for di nan mayornan dor di e comportacion y e expresion cu nan ta presencia. Dor di duna e muchanan mas ehempel di cosnan bon den nan alrededor nos ta siña nos yunan un tiki mas di resillience, boeiency.

Resumen y dialogo:

E curason di nos tema ta con pa sinti bon. Nos a papia di crea ilusion c’e intension pa bo sinti bon. Den noticia nos a mira cu den mundo tin deseo pa cambio pa miho. Den e bentana nos por mira cu tin un deseo pa busca e berdadero amor.

Den love signals ta e grito pa sostene otro pa por sinti bon. Kiermen kico nos mester hasi pa ayuda otro y sinti bon. Y cu esaki tambe ta bin e topico resillience. Na papiamento e ta algo cu tin di haber pa yuda nos hobennan. Pa siñja nan sinti bon y coach nan con e “acts of kindness” ta wordo practica. Y con e ta yega na pone abo mes na sinti bon.

Affirmacion:

“Cada dia den tur forma ami ta bira miho y miho,

cada dia den tur forma abo ta bira miho y miho, cada dia den tur forma a nos ta bira miho y miho, cada dia den tur forma bida ta bira miho y miho.”

Dor di haci esaki tur dia bo ta habri bo mes p’e regalo nan di bida. Finalmente bida ta cuminsa bai bon  pa bo y pa tur esnan rond di bo. Pls corda mantene bo mente POSITIVO!

Un bon dia na tur y un feliz comienso di siman.

Na prome luga un danki na tur e hendenan special cu ta para tras di e programa aki y cu ta pone den practic’e lema cu ta:

“solamente hende por yuda hende”.

Kico si ta bon:

Nos kier a cuminsa bisa cu e aña aki tur cos ta hopi mas positivo rond mundo. Hende en general ta hopi mas positivo y habri pa ta positivo. Ta hopi importante pa ta optimista den nos bida y pa kere cu cosnan por ta miho.

“While the world is busy trying to conquer outer space we should thrive to conquer inner space”

Esaki ta siña nos cu t’e espacio interno ta importante, no t’e espacio externo ta locual cu ta conta. Nos
como hende tin e tendecia na busca nos felicidad den nos alrededor, nos ta wordo distrai dor di nos cinco sinti. Ora nos como persona ta sinti bon internamente nos ta bai radia felicidad automaticamente.

Felicidad ta depende di kico a nos como persona ta sinti y pensa. Esaki nos ta logr’e door di yuda un otro persona, Dor di pensa con nos por hasi un otro persona feliz. Haciendo esaki nos ta creando espacio interior pa nos por ta feliz. Ora cu nos practica esaki nos ta bai cuminsa ripara cu nos bida tin sentido y proposito.

En bes di pensa AMI pensa ABO y NOS!!!!!!

Tuma como un bon ehempel e pais Irlandia cu financieramente ta den bancarota y c’un sistema gubernamental cu a cai den otro. Asina mes a busca tur manera di colecta paña di frio pa por yuda e hendenan bieu di Inglaterra.

Ban yuda nos pa ta feliz y radia felicidad. Asina aki contagia tur hende c’e sentimento aki. Dor di ta miserable nos no ta logra nos proposito.

Ban cuminsa pensa riba otro pensando ABO y NOS!!!!!

Bril diferente:

Nos tin cu duna palabra di pabien na Aruba cu su roadmarch y calypso King. Danki na su música ta trece alegría na nos país den e temporada di carnaval.

N’e momento nan aki rond di mundo tin hopi hende cu tin e problema di stress dor di trabao, of problemanan financiero. Tur esaki ta wordo crea door di e crisis financiero ku tin awor aki globalmente. Esaki ta algo cu nos mester deal kune y p’e motivo aki tin cu yuda otro siña deal c’e problemanan aki di bida.

Na momento cu bo ta sintiendo sierto sintomanan manera dolor di cabes, insomnio, iregularidad di curason, ora cu bo cachete ta tembla sin motibo, irregularidad cu stoma y si den soño ta kraak djentenan check cu bo doctor.

E positivo di esaki ta pa siña deal cu stress.

Un bon solucion ta pa papia cu hende busca conseho y ayudo pa bo no ta bo so. Busca refugio den cosnan humorístico, wak bon kico bo ta come. Come hopi vegetal berde, cora of  oraño.

Semper yena bo mes cu cosnan positivo y saca e bon for di tur cos.

Barack Obama ta haciendo cambio cuminsando door di crea unidad entre hende y religionnan. A instala un comision cu tin como meta trece religionnan hunto pa asina kita e polarisacion riba tereno spiritual tambe. Tur e acontecimientonan den economía nos tin cu tumanan como lesnan cu nos mester siña y comprende cu nan ta un stap pa cambio pa miho. Ban siña comparti y uni na otro. Esaki ta exigi pa cambia nos mentalidad pa trece transparencia den tur locual nos ta hasi. Asina aki ta crea union entre tur hende.

Pelicula di siman:

Revolutionary Road

E bentana di nos bida:

E siman aki ta mundialmente e siman di amor y amistad. P’e motibo aki ser feliz of den otro palabra felicidad ta nos tema principal awe.  

Tin hopi sernan humano na mundo cu tin amor y tur locual cu supuestamente nan mester pa ta feliz pero sinembargo nan no ta. Otronan cu no tin casi nada of no tin tur locual nan mester si ta inmensamente feliz. Esaki nos por splic’e asina: Felicidad no ta un resultado sino un causa. Si abo por ta feliz a pesar di no tin motibo pa ta feliz bo lo ripara cu rapidamente hopi motibonan lo parece. Hari, sea agradecido y no pone condicionan pa bo felicidad. No spera e felicidad yega serca bo. Laga e fluho di felicidad sali for di bo y contagia otronan cu bo felicidad. Acepta bo prohimo manera e ta y no purba controla otro ni tur cos. Locual si bo por hasi como persona ta controla bo mesun pensamento, sentimentonan y comportacion.

Felicidad ta algo cu bo por sinti cu y for di bo curason. Esaki no ta algo cu bo por mishi ni wak.

Acepta locual cu por y esaki lo hibabo na felicidad y paz interior. Amor y amistad tambe ta sali for di bo curason. Esakinan ta sentimentonan cu ta causa felicidad. E sernan cu tin den bo bida cu bo tin e sentimentonan aki pa nan tey den bo bida pa siñabo e balor y felicidad di bida. Sernan humano cu ta feliz semper ta agradeci mas pa locual cu nan tin en bes di keha pa locual cu nan no tin. Tur e beyeza cu bida tin, un persona agradeci ta aprecia.

Si abo kier ta feliz bo mester reconoce cu felicidad ta resultado di bo pensamento y comportacion y no e motibo!

Love signals:

Canción: Unwritten

Cantante Natasha Bedingfield

Letra di e canción:

Laga los di locual ta blokiabo, strobabo y sinti e awa riba bo cuero. Ningún hende por sintie pabo Abo so por lag’e drenta! Niun hende por expresa e palabranan riba bo lipnan. Biba BO bida cu brasanan habri. Awe t’e dia cu bo buki ta kuminsa.

E resto mester wordo skirbi!

Tin un dicho ta bisa: “Life draws without an eraser” Bida ta skirbi sin un gum.

Tin biaha ora algo pasa nos no kier lubida esaki. Pero e bunita ta cu nos por transforma esaki den experiencianan. Esaki ta algo cu nos mester realisa c’e ta keda existi y nos por transforme den un energía cu si nos kier keda biba cun’e.

Barack Obama den su “speech” a bisa: “This is the source of our confidence, the knowledge that God calls on us to shape an uncertain destiny, teh rest is unwritten. Uncertain destiny” kiermen nos mes ta dicidi Kico nos ta bai forma y crea.

Tambe a bisa: “Where programs help we will proceed, where they don’t programs will end”.

N’e manera aki nos por contesta nos mes si locual cu nos ta haciendo ta bon. Puntra nos mes si e resultado ta formando e moral y balornan cu a nos ta kere aden.

Den e manera aki nos ta transforma tur locual cu nos no kier biba cun’e den algo cu si nos kier.

Resumen y dialogo:

Paz interno necesario pa nos sinti bon. Combati stress cu humor por ehempel e humor positivo den carnaval. Felicidad no ta un resultado pero e ta un causa. Pa duna felicidad nos mester sa Kico por sinti di curason e amor y amistad y e motibonan di felicidad.

Bida ta skirbi sin gum. E ta crea di tur locual cu pasabo experiencianan di optimismo y positivismo.

A wordo papia di e “wise baby”. Universidad ta poniendo e aña pa e yegada di nan hopi leu. E “wise baby” ta akinan caba. Por ehempel e baby c’a nace cu 24 dede. esaki ta mustranos c’e frecuencia rond di nos ta cambia.

Nos tin cu realisa cu evolucion no ta para. Tur cos ta cambiando cada biaha mas miho. Nos tin cu cuminsa algo pa e crece. E ser humano no por para di crece.

Biba un Bida cu no ta común!

Affirmacion:

“Cada dia den tur forma ami ta bira miho y miho, cada dia den tur forma abo ta bira miho y miho, cada dia den tur forma nos ta bira miho y miho, cada dia den tur forma bida ta bira miho y miho.”

Door di haci esaki tur dia bo ta habri bo mes p’e regalo nan di bida. Finalmente bida ta cuminsa bai bon  pa bo y pa tur esnan rond di bo. Pls corda mantene bo mente POSITIVO!