January 10, 2012 - Posted by Mente Positivo - 0 Comments
Ora cu tin algo paden di bo cu ta bisabo cu bo no por. Cu ta mihor bo lebomai, stop di soña pasobra nunca bo ta bai logra. Bo mester sa cu e ta e stem di bo mesun ego cu a get hurt hopi tempo pasa y cu a convence su mes cu bida ta e enemigo. E ego aki lo busca den tur situacion un prueba pa su teoria cu bida ta duro. Abo mester realiza cu e ego ey su palabranan no por bal mas cu esunnan di un mucha di 3 aña cu no a haya su kier. Abo mester sa cu bo tincu pone e mucha ey para keto. Bo tincu dune hopi amor y bo tincu gui’e. Bise pa e stop di papia asina negativo den bo cabez. Cu bo sa caba cu bida a hurt e y cu bo ta sorry cu e no a compronde e proceso, pero cu bo sa tambe cu esaki ta un momento nobo y cu bo ta basta grandi awor pa sa cu bida su intencion nunca tabata pa haci bo dolor. Den tur e tempo cu a pasa bo a ripara cu bida ta den bo skina y cu e kier bo bon. Haci tur bo esfuerzo pa stop e stem negativo di papia den bo cabez. Silencia e desordo cu e ta causa y ripara kico tin na momento cu tur e desordo a calma. Ripara e presencia di un stem amoroso. Un stem cu un vibracion suave, cu ta yena bo cu paz. E stem aki ta esun cu sa ken bo ta y e ta esun cu sa exactamente kico pa haci y cua caminda pa cana pa haci bo soño bira realidad. Calma bo mente y silencia tur otro stem cu no ta yenabo cu e sentido di paz y amor manera cu e stem aki so por haci. Despues den tur silencio, scucha. Scucha kico pa haci y logra caminda cu niun otro a spera cu abo lo por. Tuma un curashi y durf. Ata aki un link pa reenforsa esaki.
http://www.youtube.com/watch?v=sb2YOg_dkQM&feature=player_embedded
October 25, 2011 - Posted by Mente Positivo - Comments Off
Awe un hende a puntrami “Con ta cu bida?”
Wel, e’la ponemi para keto un rato y puntra mi mes esey berdad. “Con ta cu bida…” Mi no por a contesta cu bida ta bon, pasobra con e por sa kico ta bon pa ami. Tin biaha loke cu ami ta haya ta bon pami, ta hustamente loke cu ta malo pa un otro persona. Ademas, mi no por a pensa cu tin nada particularmente “bon” cu bida na e momento ey. Sigur, ta hopi bon cu mi ta halando rosea, tambe cu no tabata tin e mal tempo cu nan a pronostica y cu mi tin mi salud, pero ja, esey ta bida toch?
Mi no por a pensa nada particularmente bon di bida na e momento ey. Sinembargo, mi no por a contesta cu bida ta malo tampoco. Pasobra atrobe kico ta malo? Malo ta un opinion hopi personal, hopi subhetivo. Ademas, mi no por a pensa nada particularmente malo den e momento ey den mi bida. Ja, e tempo ta na awa pafo, tambe mi tin mi responsabilidadnan cu mi tincu atende cu ne y e ta keda un esfuerzo tur dia pa comunica mi pensamentonan, ideanan y sentimentonan di un forma cu un otro ser humano ta comprondemi realmente. Cu mi por experencia un kiebro absoluto cu e isolacion cu bida mes a hinca mi aden. Atrobe, esey ta bida toch?
Tin biaha mi ta pensa cu bida ta djis bida y cu nos djis tincu bibe. Haci esfuerzo personal pa haci di e experiencia aki, uno mas ameno cu ta posibel. Haci tambe esfuerzo personal pa comparti mas cu otro, laga los y djis biba bida un poco mas. Nos ta hunto den esaki. Nos ta na bida. Porta loke cu ta bon pami, no ta bon pa abo y loke cu ta bon pa abo ami no ta aprecia, pero nos tin un cos den comun, y esey ta bida.
Bida no ta para keto y no ta ripiti nada. Ora cu ta e momento pa biba, hacie. Pasobra e momento no ta bini bek. Pesey e yama un momento. Ta e “momentum” cu bida ta den dje ta crea loke cu ta pasando na e momento aki den bo bida. E ta djis bida. Ora cu e momento aki perde su “momentum” e tambe ta stop di existi. Asina un otro momento ta haya oportunidad di biba y di ta na bida. Asina abo y ami ta haya un otro oportunidad pa biba e bida. Comprondemi bon un otro oportunidad, den un otro momento, cu un otro ”momentum” su tras. Ni maske cuanto e ta parce e momento aya cu mi a conoce, e no ta mescos, pasobra esey ta bida. Ta un momento nobo, cada bez di nobo, ta esey so bida tin pa ofrece.
Mare nos por realiza e regalo cu bida ta trece pa nos den cada momento y cuanto esfuerzo e ta costa bida pa acumula e “momentum” pa por a crea e momento aki. Nos lo biba den un estado di aprecio continuo. Un estado di gozo den cada momento di bida. Pasobra nos sa cu ta bida y cu bida ta djis siendo su mes.
Asina ta cu mi a contesta cu bida ta djis bida. Mi a laga e resto na e momento y na e percepcion di e otro ami cu ta ricibi mi contesta. Y mi mes? Hmm, mi mes a dicidi caba cu den e momento mi ta scohe pa biba e regalo maraviyoso cu bida ta regalami. E ta unico, no ta bai tin dos mescos y mi sa awor cu e ta stop di exisiti asina cu e perde su “momentum.”
E ta bale la pena bo sa? Pa biba e bida cu ta. Kico abo mes ta pensa? Con ta cu bida?
October 21, 2011 - Posted by Mente Positivo - 2 Comments
Bo por imagina bo mes ta cumpra un paki di lechi. Di cual e pakete ta masha bunita mes, pero cu ora bo bai pa basha e lechi den un glas ta sali carton chiquito so for di e container? No berdad? Esey no ta algo cu bo por imagina bo mes facil. E no ta logico. Bo ta spera cu ora bo ta cumpra un carton di lechi, y bo habrie y basha for di dje, cu ta lechi ta sali, nada otro. Awor si e no ta logico, pakico nos ta biba nos bida ta pone tanto atencion ariba “nos” carton? Dicon nos container mester mustra di un sierto forma? Y tur e containernan chiquito den nos curpa cu ta nos organonan tambe? Dicon nos ta enfoca asina hopi ariba con cosnan mester mustra den nos bida, den nos cas, den nos oficina, den nos famia? Si enberdad e no ta logico? No ta logico cu ora bo ta primi un higra, ta sali, rabia, odio y resentimento. Tampoco ta logico, cu ora bo ta primi un pulmon ta sali slijm di duele y tristeza. Ta container pa esey nos a para bira? Dicon ora bida ta “primi” ta sali keho, critica y huicio for di nos? Mi ta puntra mi mes ta con por ta cu nos ta sernan humano, cu ta supuestamente esnan cu tin mas tanto evolucion, cu tin e habilidad pa scucha e guia divino, ta saca tanto desamor ora bida ta pone preshon ariba nos. Bida por pone preshon of primi di diferente manera. Sea cu bo ta perde trabou, of bo ta haya un hefe cu ta hopi exigente y te hasta inhusto of ta bin un kiebro den bo relacion of un accidente of un malesa. Ta kico ta sali di bo container den e momentonan ey? Kico mester sali di nos container eigenlijk? E ser humano ta un container pa kico exactamente? E siman cu a pasa aki nos a combersa hopi di e palabra “selflessness” den nos programa di “Happiness & Luck”. Kico e kiermen pa lubida bo mes pa yuda otro. Hopi hende tin un problema grandi pa lubida nan mes pa yuda otro. Pasobra nan ta kere cu nan tincu sacrifica nan mes completamente. Nan no ta realisa cu nos tur ta forma parti di e mesun spirito y cu nos ta supone di ta zuiver containers pa e spirito aki por radia tur su ser. E unico parti di bo mes cu bo tincu lubida ta e parti di bo container. Humanidad henter a enfoca pa demasiado tempo caba ariba estetica y cosmetics. Nos ta a para bira un generacion di gadgets y plastics, pero nos ta tambe e generacion menos “selfless” mi ta kere cu humanidad a ever conoce. Nos ta biba hopi pa nos mes, y pa nos family and friends. Te eynan, just nos mes, nos famia y amistadnan. E ta un lastima cu nos containers a bira asina central cu nos tam as egoista cu nunca.
Den nos esencia nos ta amor. Den nos esencia nos ta bondad. Den nos esencia nos ta compassion. Pero ta nos mes tincu permiti nos esencia pa radia. Nos mester realisa cu ta nos mes ta e containers pa e amor ey. Y si mundo ta falta amor, wel ta pasobra nos nos ta usando nos containers suficiente pa carga y trece y basha mas amor tur rond di nos. Tambe nos mester corda cu nos no por ta egoista cu nos amor, esta parti un tiki pa esun cu nos kier so. No, esey no por. E amor aki cu mester brota di nos esencia, mester brota pa tur hende. Pa cada ser bibo. Pa matanan, pa bestianan, pa e aire, pa e lama, pa e planeta henter y pa cada ser humano. Por fabor ricibi e amor aki atraves di mi container. Mi ta spera cu e lechi no a daña of ya cu e amor no a “expire”. Awor abo tambe reparti mas di loke tin profundo den nos ser. Ban yena e mundo aki cu mas di loke cu tanto nos mes ta desea pa nos mes y pa nos sernan keri. Nos kier mas paz, mas comprension, mas amor y mas felicidad. Ta ora pa nos pone mas atencion ariba nos contenido y menos ariba nos pakete. Ki bo ta pensa?
On the Inside
August 31, 2011 - Posted by Mente Positivo - Comments Off
Mi tabata scroll un tiki den Facebook awe y mi a topa cu un post di Paolo Coelho, caminda e ta comparti e Top diez dichonan di Ghandi. Ghandi ta un persona remarkable cu a haci historia y a laga un impacto positivo ariba su hendenan, su pais y humanidad henter. E ta esun cu a sa di lanta e chispa den su pueblo pa haci nan mes independiente di e Monarchia Ingles, pero no bringando, sino di un forma pasivo. Ghandi a sa di move hende den un forma masal, pa kere den nan mes, den nan propio recursonan, kibra cu nan limitacion y pa usa nan poder interno, nan deseo intenso pa alcansa nan meta di independencia. Tambe e la sa di sirbi humanidad cu gracia. Kizas algun ta wak su bida manera un sacrificio, ami ta wak e manera un ehempel di gran honor di por sirbi. Cada un di nos tin e qualidadnan di Ghandi den nos. Cada un di nos por ta e ehempel. Ta nos mester tin e deseo intenso y kere den ns mes.
“Bo mester ta e cambio cu bo kier wak den mundo”
“ Siendo sernan humano, nos grandesa no ta scondi den nos abilidad di por haci mundo di nobo- esey ta e mytho di e era atomico.- sino mas bien den nos abilidad di por haci nos mes dinobo.”
“Ningun hende no por “hurt” mi sin mi permiso.”
“Hende debil no por pordona nunca. Pordon ta u attributo di esnan cu ta fuerte.”
“Un wowo pa un wowo, solamente lo caba na haci henter mundo ciego.”
“ Un ons di practica ta bal mas cu un ton di predica.”
- 5. E momento den presente
“ Mi no kier pronostica e futuro. Mi ta concerni cu e cuido di e presente. Dios no a dunami control ariba e momento cu ta sigui.”
“ Mi ta haya mi mes un individuo simple cu ta suscesibel pa haci error, manera cualkier otro mortal. Sinembargo, ami tin, suficiente humildad pa confesa mi errornan y bai bek arima mi pasonan.”
“ E no ta sabi pa ta demasiado sigur di bo mesun sabiduria,. E ta saludabel pa wordo recorda cu esun dim as fuerte por bira debil y cu esun dim as sabi por haci fout.”
- 7. Persistencia
“Prome nan ta ignora bo, despues nan ta hari bo, despues nan ta bringa bo, y djei bo ta gana.”
“Mi ta wak solamente e cosnan bon di hende. Ya cu mi mes no ta liber dif out, mi lo no presume tampoco di punta dede ariba e foutnan di otro.”
“ Mi ta supone cu liderazgo na algun momente tabata nifica musculo, pero awendia e ta nifica sa anda cu hende.”
“Felicidad ta ora cu loke cu bo ta pensa, papia y haci ta den harmonia.”
“ Semper traha ariba harmonia completo di pensamento, palabra y accion. Semper traha pa purifica bo pensamentonan y tur cos lo ta bon.”
“Desaroyo constante ta e ley di bida, y un hende cu semper tat rata di mantene su dogmanan djis pa e parce di ta consistente, ta hinca su mes den un posicion falso.”
August 26, 2011 - Posted by Mente Positivo - Comments Off
Ta un honor y placer pa por bisa cu e blog aki ta bay ta activo atrobe. Nos di Moreu Facilitacion y MEL kier tin un manera pa scibi na papiamento cosnan tocante positivismo y tambe temanan cu ta toca spiritualidad. Material na papiamento ta dificil pa haña y awo nos ta bay sigui haci esaki via e medio aki.
Biba positivo no ta un moda, e ta un estilo di bida. Nos mundo ta pidi pa nos cambia como hende. Awen dia nos no por sigui mas ta culpa ful mundo pa nos bida. Abo tin e oportunidad pa scohe otro. Nos via e blog aki kier yuda bo na tin herment pa haci esaki. Ban yuda otro y ban bira positivo!
Saludos,
Belquis y Sharon
May 30, 2010 - Posted by Mente Positivo - Comments Off
Den e siman aki nos a dialoga tocante algun conseho cu Napoleon Hill ta comparti den su buki “Think and Grow Rich.” E buki aki ta ser considera di ta un di e bukinan cu a causa mas tanto influencia den tur tempo. E ta un buki cu ta indica e caminda pa alcansa bo logronan personal, independencia financiero y tambe e riquesa di e spirito.
Den e buki aki Napoleon ta papia hopi de e riquesanan cu ta alcansabel pa nos tur, pero cu bo no por midi den placa; manera e riquesa di amistad, relacionan familiar harmonioso, simpatia y comprenshon entre partners den negoshi y harmonia interno cu ta trece pas mental cu bo por midi solamente den balornan spiritual.
E filosofia di “Think and Grow Rich” ta pa prepara bo pa e estadonan di mas halto aki, cu ta disponibel solamente pa esnan cu ta cla pa ricibi’e.
Esaki ta e lista cu Napoleon Hill mes a presenta, cu ta consituciona riquesa di berdad:
1) Un actitud mental positivo
2) Un Curpa saludabel
3) Harmonia den relacionan humano
4) Libertad di tur miedo
5) E speransa pa futuro logronan
6) Incapacidad pa aplicacion di fayo
7) Ta dispuesto di comparti bo bendicion cu otro
8 ) Ta comprometi den un trabou di amor
9) Un mente habri pa tur topico y tur hende
10) Un completo disciplina propio
11) Sabiduria pa compronde hende
12) Seguridad financiero
Si bo wak bon, placa ta na ultimo lugar ariba e lista cu ta haci hende rico di berdad.
Tambe Napoleon Hill ta enfatisa cu riquesa ta cuminsa cu un estado mental. Un estado di biba cu proposito definitivo.
Masha importante pa por cumpli cu e puntonan di e lista cu a ser menciona aki riba, ta un personalidad placentero. Segun Napoleon Hill, bo personalidad ta determina si hende ta sinti nan mes atrai door di bo of ta aleha nan mes di bo. Bo perosnalidad ta locual ta distingui bo di tur otro hende. E ta e marca bou di cual hende ta reconoce bo. Y e ta loke cu ta detemina bo exito of fracaso den bende bo mes den bida. Pesey Napoleon ta recomenda pa bo wak bo personalidad manera cu otronan ta wak e. No manera abo kier pa na wak e. Door di wak bo mes, manera otronan ta wak bo, bo por traha na mehora bo mes continuamente.
E personalidad di un persona ta consisti di hopi caracteristica, pero ta importante pa menciona cu cada un di e caracteristicanan aki ta den bo man y control, asina ta cu cada un por cambia, segun bo esfuerso.
Algun caracteristica mas importante ta:
1) Bo actitud mental mester ta positivo. Hende ta pick up bo actitud mental pa medio di telepatia, tambe pa medio di bo tono di voz, e expresion ariba bo cara y pa bo pasenshi, consideracion y cortecia cu bo ta demostra.
2) Bo abilidad pa ta flexibel den bo actitud mental. Bo mester sa di ahusta bo mes na tur situacion y hende sin perde bo mes, of bira irrita of rabia. Bo no por controla e comportacion di otro hende, pero bo por controla bo reaccion ariba nan comportacion si.
3) Bo abilidad di controla of dirigi bo emocion di entusiasmo.
4) Sinceridad di proposito.
Awor, tin tambe algun custumber cu ta hopi destructivo pa un personalidad placentero.
1) Ora bo ta interrumpi y tuma over e conversacion ora cu otronan ta papia.
2) Sarcasmo, remarca cu ta insinua cosnan of kier ta “sabi”.
3) Vanidad, expresa den palabra of action.
4) Indiferencia den scucha ora cu otronan ta papia.
5) Ofrece demasiado compliment ora cu no ta na su lugar.
6) E custumber di busca fout y critica tur hende y tur cos.
7) Reta abiertamente e opinion di otro, ta un di e custumbernan di mas destructivo cu por tin. Specialmente si bo ta haci esaki for di custumber di kier bai den contra tur ora, te hasta ora no tin motibo pa “challenge”. Bo simplemente ta gusta ta den oposicion.
8 ) E custumber di duna conseho voluntariamente sin cu ningun hende a pidi p’e.
9) E custumber di papia di bo malesanan y dolornan.
10) E habito di pretende di ta superior atraves di e palabranan cu bo ta scohe pa papia di dje of e topiconan.
11) Envidia di esnan cu ta exitoso.
12) E habito di cana bisti di un manera cu no ta apropia, tambe bo postura y con bo ta cuida bo mes.
Tin varios habito mas cu por ta destructivo pa un personalidad placentero, pero pa awor esakinan ta bon pa cuminsa traha ariba dje.
Esaki ta apenas e resumen di tres dia, mi lo haci esfuerso pa resumi tambe algun punto di e “Master Key to Success”, cu nos a combersa di dje, despues.
October 11, 2009 - Posted by Mente Positivo - Comments Off
Un bon dia y un feliz siman. Di nos curazon nos kier a comparti cu b’e energia di amor, paz y felicidad p’asina hunto nos alcans’e paz colectivo. Ban papia paz y ban enfoca nos mes solamente rib’e aspectonan positivo di bida.
E simia di sabiduria
Awe nos ta bay papia un poco tocant’e filosofo griego, Plato. El a biba prome cu cristo. E tabata papia d’un caroshi cu tabata simbolis’e alma, anto e tin dos cabai. Un d’e cabianan aki ta nobel, desente, gracioso, e ta bon y e otro ta comun, un poco corupto, e ta pa su cuenta. Esun cu ta nobel ta esun cu ta rasona y e otro tin apetit di emocion nan manera rabia y deseo. E trabou di cada un di nos ta con pa maneha e caroshi aki y mantene straight riba e caminda di bida. Nos mester por domina nos apetit nan cuminsa na desaroya rasonamento y asina coordina e energianan d’e dos cabainan aki. Nos tur tin e mesun situacion, nos tin e dualidad ey den nos ser. Nos mester ta esun cu mester ta manehand’e alma cu t’e caroshi cu e dos cabianan. Si nos no por haci esaki imagina nos mes kico lo por bay pasa cu nos bida. Nos mester di informacion pa bira un maestro con pa maneha e caroshi aki paso si nos duna atencion un mas c’e otro nos ta perde balansa. Hopi biaha nos tin e tendencia di no worry c’e cabai menos bon y esaki t’ un refleha den nos bida. Porfabor ban cuminsa cambia nos mentalidad y mantene nos mes den un estado 0. Un estado di balansa caminda nada ta afecta nos. Nada no ta afecta nos y kita nos paz. Un ehempel di con nos ta biba. Si un hende duna nos un compliment nos ta sinti bon, pero si un hende duna nos un critica nos ta sinti “down”. No lag’e ambiente afecta nos. Paz t’e estado 0. Paz interno t’un derecho di nos.
E bril diferente
Aruba, esnan cu ta amante di bon musica a pasa hopi bon durante fin di siman den e festival di musica, c’e agrupacion di Earth Wind & Fire y Paulina Rubio; nos por atende di initiativa di trabounan voluntario den nos comunidad pa pone nos bestuurkantoor den funcionamento atrobe; preparacion pa fin di aña tambe a cuminsa. Internacional, den noticia tabat’e otorgamento d’e premio nobel di paz n’e president di merca Barak Obama. Ciencia, a haci un intento pa bombardea e luna pa midi si tin awa riba luna.
E bentana di nos bida
Awe nos ta bay papia d’e dia di mayan cu ta 12 di oktober 2009 cu ta un dia special p’e paisnan di hispanoamerica. Mayan ta e dia internacional di raza. Nan ta conmemorando e dia c’e marinero Rodrigo a mira tera despues cu tabata nabega mas cu dos luna. E fecha aki a wordo proglama pa uni e pueblonan original d’e continente hispanoamerica y e colonisadornan spaño di cual union l’a nace un entidad nobo. Kico kiermen raza? E palabra raza ta ser uza pa haci referencia na cada grupo humano. E concepto y e grupo nan ta varia segun cultura, tempo y contexto. Segun bijbel ta un solo raza tin y esey t’e raza humano. Escrituranan ta distigui e sernan humanoden gruponan nacional of tribunan, pero no a base di color di cuero of pa fisica. Ciencia ta bisa cu no tin raza diferente biologicamente d’e ser humano. Loke nos ta yama raza humano ta categorianan definin pa razon nan historico, social y cultural. Apesar di esaki nos tin cu admiti c’e concepto social ainda tin hopi importancia den mundo henter. Te ainda nos conoce e lucha contra racismo y igualdad. Tur ser humano ta pertenece na un solo mundo unda nos tur por cruza otro y reproduci. Nos no conoce ningun ser humano cu ta tipico di nan raza.
Love signal
Nos ta presenta aw’e cancion “I would stay”. E papia di cierto emocion cu nos ta sinti cu ta duda. E ta dudando s’e mester keda of e mester bai. Por ehempel relacion nan cu tin biaha nos tin cu pensa si nos mester keda of bai. Mi por keda pero e ora ey lo mi crece di ta mecos abo y mi lo no ta mi mes. Aki ta wordo recomenda e film “Revolutionairy road” e tin un tremendo mensahe. E cantica nos por relat’e na cosnan cu nos tin rond di nos, manera zeta, technologia etc. Nos no mester keda para pero sigui y busca manera nan beneficioso den cualkier situacion y semper tene na cuenta cu nos mester ta nos mes.
Resumen
Resumiend’e topiconan di awe. E filosofo Plato c’a sugeri p’aplica rasonamento y pa surpasa dualidad entre bon y negativo pa por logra paz y harmonia. Premio nobel entrega na Obama, duna como credito di estimulo pa expectativa nan crea pa c’e paz mundial. E esencia di celebra dia nacional di raza cu ta duna afirmacion na identidad hispanoamerica. No core pero para, persevera y aplica rasonamento, surpasa dualidad y asina nos por maneha paz y harmonia.
Dialogo:
Entregamento di premio nobel na Obama a haci impacto den mundo. Si nos wak e tempo c’e premio aki a wordo duna no ta manera semper sa sosode, nan a adelant’e proceso y nombr’e ganado d’e premio aki. E intencion pa duna esaki ta p’e no perd’e “momentum”. E impacto c’e persona aki tabata tin rond mundo tabata unico y cu pa añanan esaki no tabata e caso. Como ser humano nos kier wak resultado lihe. Nos tin cu cuminsa premia e bon initiativa pa con chikito c’e ta. Aworaki esaki a resalta na un nivel mundial caminda nan ta premiando Obama no pa resultado pero p’e initiativa c’e a cuminsa pa cambia e direccion caminda c’e mundo ta bayendo. Esun c’a hac’e presentacion a bisa c’e a duna humanidad speranza. Nos mes no ta realisa e cambi’e persoan aki a haci den e mentalidad colectivo humano, pa cuminsa pensa atrobe riba speranza. Den merca mes nan no kier wak Obama exitoso. Esaki t’e apoyo c’e tin mester pa mustra con mundo ta apoy’e. Semper merca ta esun cu ta duna dirección, pero awo ta mundo ta mustrando merca e direccion. Laga nos solamente enfoca riba e intencion y sa c’e mundo ta “back” e persona aki. Nos ta custumbra di premia hende na final y aki a wordo dicidi cu ta duna premiacion prome pa cuminsamento d’un proceso. Tur e cosnan aki ta bon. Nos como ser humano mester cuminsa habri y ricib’e locual cu ta bon y ta biniendo. Tin un ola un biento sumamente positivo y nos mester yame Bon Bini! Nos mester aporta y contribui, no resisiti, paso resisti na cambio ta bolbe “slow down” ful e proceso. Asina aki bo ta hortando bo mes y bo ambiente. Nos mester como ser humano mester cuminsa bira flexibel y no bai di biaha contra algo. Habri bo mes, analisa e cambio, wak e di otro manera y asina nos por bai tin e evolucion cu nos kier.
Dialogo, e arte di dialoga a bai perdi nos sa solamente con pa discuti y con pa tin confrontacion. Pero dialogo ta ora cu nos ta baila c’un combersacion, esaki no kiermen cu nos mester ta di acuerdo cu otro, pero nos ta scucha otro su ideanan y dialoga riba nan. Nos ta keda habri pa scucha otro. Dialogo tin intensidad den e topico. Dia cu nos por combersa c’un persona y s’e tin un comentario defamante of su elogio ningun di dos no ta afecta nos, anto e momento aki nos a logra paz. Nos ta biba y laga otro horta nos paz. E ta keda den cada un persona su man s’e ta lag’e influenci’e. Ta nos tin e”choice” si nos ta lag’e afecta nos si of no.
E punto zero ta tuma hopi esfuerso den cada momento pa keda mantene.
Afirmacion:
“Cada dia den tur forma ami ta bira miho y miho, cada dia den tur forma abo ta bira miho y miho, cada dia den tur forma nos ta bira miho y miho, cada dia den tur forma bida ta bira miho y miho.”
Dor di haci esaki tur dia, bo ta habri bo mes p’e regalonan di bida y finalmente bida ta cuminsa bai bon p’abo y tur cu ta rond di bo. CORDA mantene bo mente positivo.
October 11, 2009 - Posted by Mente Positivo - Comments Off
Un feliz día y una feliz semana. De corazón queremos compartir con ustedes la energía de amor, paz y felicidad, y juntos alcanzar la paz colectiva. Hablemos de la paz y vamos a enfocarnos solamente en los aspectos positivos de la vida.
Semilla de sabiduría
Hoy vamos a conversar de la filosofía de Plato. Este personaje vivió antes de Cristo, Plato ilustraba su filosofía con la figura de un carruaje, que simbolizaba el alma, tirado por dos caballos, uno noble y decente simbolizando el razonamiento, el otro común, corrupto simbolizando emociones de deseos y rabias. Tenemos esta dualidad, simbolizada por los caballos, en nuestro ser. Nuestro esfuerzo esta en llegar a manejar este carruaje manteniendo el mismo camino derecho en la vida. Dominemos nuestros apetitos y deseos y desarrollemos nuestro razonamiento, es la manera para lograr combinar las energías de ambos caballos. Cambiemos nuestra mentalidad sobre no sentir emociones, solo tenemos que mantenernos en un estado “0”, de balance, donde nada nos afecta; si las personas nos critican o nos dan un cumplido debemos sentirnos igual, en balance. No dejemos que el ambiente influencie nuestro sentir en cada momento. Paz interna es lograr este estado “0”, estado de sabiduría.
Un lente diferente
En Aruba, este fin de semana disfrutamos de un festival de música extraordinario. Trabajo e iniciativa voluntaria de nuestra comunidad para arreglar el edificio de gobierno, que buen aporte! Se siente ya los preparativos para las fiestas de fin de año. Internacional, el premio noble de la paz fue otorgado al presidente americano Señor Obama, fue algo sorpresivo para el mundo.
La ventana de nuestra vida
Hablemos del 12 de octubre día internacional de la Raza. Mayoría de los países hispanos conmemoran el descubrimiento de América en este día. En este día se reafirma la identidad hispanoamericana. Algunos países toman este día como un día nacional y festivo. Hablemos un poco del significado de raza, el cual varía según la cultura, el tiempo y el contexto donde se utiliza esta palabra. Según la biblia solo hay una raza, la humana; la ciencia dice que no hay razas diferentes biológicamente; la historia, la sociedad y cultura ha dado diferente significado a esta palabra, causando notables diferencias en la humanidad, que llegan hasta lograr nuestra separación. Debido a estas diferencias, hay una variedad de razas existente muy grande, y no podemos hablar de una raza típica o específica. La cultura humana ha cambiado tanto que hemos cambiado hasta nuestra capacidad para desarrollarnos y transmitir nuestros conocimientos. Señales de amor
La canción de hoy “Me pararía” habla de emociones como la duda. La letra de esta canción se relaciona mucho con nuestras vivencias, cuando debemos tomar ciertas decisiones y seguir siendo nosotros mismos. La evolución y progreso de nuestro mundo nos indica que todo sigue en movimiento no podemos quedarnos parados ni quietos, debemos evolucionar con el resto del mundo, desarrollando nuestros talentos.
Resumen y Dialogo
En resumen hablamos del filosofo Plato quien sugirió usar el razonamiento para superar la dualidad de lo bueno y malo logrando la paz, de la esencia de la celebración del día internacional de la raza, de la lucha por la igualdad que es revolucionaria y continua. El premio nobel otorgado a Obama a causado muchos comentarios. Según el criterio del premio, se le otorgo por fomentar grandes expectativas mundialmente en pro de la paz. Hasta hubo un adelanto en el tiempo para nombrar el ganador de este premio que usualmente se premia en febrero. Es importante premiar las iniciativas no importando cuan pequeña puedan ser y esto sobresalió en esta premiación, Obama ha dado una esperanza al mundo, mostrando su determinación y perseverancia. Este presidente ha traído un cambio profundo en la opinión mundial sobre los Estados Unidos. El premio nobel se ha otorgado no por los logros y resultados, sino por las intenciones e iniciativas para lograr la paz mundial.
La humanidad está evolucionando y esta premiación de la paz, es una muestra de estos cambios. No resistamos el cambio, mejor apoyemos el cambio; seamos flexibles.
En nuestra evolución perdimos el arte para dialogar, ahora solo discutimos y nos confrontamos, mas lo interesante es poder bailar en una conversación; a pesar de no estar de acuerdo, podemos escucharnos y dialogar, estando abiertos para aportar y aprender de otros. Dialogo puede ser intenso y apasionado, pero siempre respetuoso. Dialoguemos sin agresividad. El poder dialogar es lo que hace la vida más interesante, poder decir lo que sentimos en el corazón con respeto. Dialoguemos de religión, de política, expresando nuestras ideas y respetándolas, es un gozo en realidad el poder dialogar.
Al comenzar un dialogo hazlo con el pensamiento de intercambiar ideas no de discutir, recordemos que muchas veces lo que pensamos es lo que sucede. El día cuando podamos conversar con una persona y su comentario sea para difamarnos o de elogio, y ninguno de los dos nos afectan, hemos logrado la paz, el punto “0” de balance. No dejemos que los demás nos roben la paz. Recordemos que para lograr este punto “0”, el balance, se requiere mucho de nuestro esfuerzo en cada momento
“Cada día en toda forma YO estoy mejor y mejor, Cada día en toda forma TU estas mejor y mejor, Cada día en toda forma NOSOTROS estamos mejor y mejor, Cada día en toda forma LA VIDA está mejor y mejor.” Al hacer esto todos los días, te abres a los regalos de la vida y finalmente la vida comienza a ser buena para ti y todos los tuyos. RECUERDA mantén tu mente positiva.
October 4, 2009 - Posted by Mente Positivo - Comments Off
Siman di Amor
Un bon dia y un feliz siman. Di nos curazon nos kier a comparti cu b’e energia di amor, paz y felicidad p’asina hunto nos alcans’e paz colectivo. Ban papia paz y ban enfoca nos mes solamente rib’e aspectonan positivo di bida.
E simia di sabiduria
Awe nos ta bay combersa cu tin tres forma di amor. E griegonan tabata tin den nan idioma tres palabra pa amor. E prome ta, eros, cu ta nifica pasion sexual cu bo ta sinti pa otro persona; E di dos ta, filos, e ta un sentimento di afeccion of di amistad; e di tres ta, agape, esaki t’e amor paternal pa henter humanidad. E ultimo aki ta demostr’e sentimento nan cu nos mester tin pa stima tur hende cu cariño. Tambe mester ta inclui esun nan cu nos no conoce y cu nos no ta haña hopi leuk. Esaki t’e amor cu ta duna sin spera nad’a cambio. Kiermen c’e amor cu nos mester ta desaroyando ta agape. Awo t’e momento pa implementa e tipo di amor aki. Ban pone nos intencion pa habri y ricibi amor.
E bril diferente
Aruba, tin su gabinete nobo cu tin e responsabilidad di cumpli cu locual nan a priminti durante campaña. Internacional, e weganan olimpico 2016 lo ta na Rio de Janeiro.
E bentana di nos vida
Awe nos ta bay papia di nos mes y con hopi nos ta stima nos mes. Humanidad ta busca nan propio felicidad stimando nan mes.
Nos por puntra nos mes kico ta autoestima? Autoestima t’e percepcion emocional cu cada ser humano tin di su mes. Ak’e ser humano ta mustra c’e tin respet pa su mes y pa yuda otro nan haci mescos. Autoestima ta indispensabel den un relacion cu otro ser humano, e t’e base d’un bon salud mental y fisico. Nos mester cuida nos mes na prome luga, p’asina nos lo por yuda otronan. Esaki no ta egoismo, pero t’e responsabilidad cu nos tin pa cu otronan. Bib’e presente, bib’e momento y haci locual cu ta haci bo feliz.
Love signal
Nos ta presenta aw’e cancion “Live your Life”. E cantica aki ta bay hopi profundo den con nos por ta feliz cu locual nos tin y con nos por ta igual. Nos mester kere den locual nos ta haci. Nos mester trata otro manera nos kier wordo trata, apesar di tur nos diferencianan.
Resumen
Resumiend’e topiconan di awe. Enfocando riba nos autoestima, respet pa nos mes pa nos por controla nos emocion nan pa por trata otro; bo mester stima bo mes prome pa bo por stima otro; cumpli cu norma y balornan den nos comunidad; amor ágape cu t’e dedicacion y cariño pa otro; nos tin cu cumpli cu nos mesun mision; no balota ni menos precia e mision di otro.
Dialogo:
Bou di ki norma nos mester biba? Nos tin cu biba c’e pensamento di bienestar di tur. Nos mester ta semper flexibel. Den energia universal e persona mester sinti su mes bon prome, p’asina e por stima otronan, no cu egoismo sino cu proposito. Normanan ta cambia segun e progreso d’e humanidad. E normanan principal manera, respet, balor na otronan ta pertenece n’e ser humano. Nan mester keda semper importante y no bay perdi. Pakico pobresa ta existi, paso asina nos por yuda. Normanan por kita nos libertad. Laga nos cambia nos mentalidad di limitacion pa nos por biba uni cu otro. Sabiduria cu educacion no ta link cu otro. Un hende por tin menos educacion pero si sabiduria. Norma nos ta saca for di nos mes y cu si nos activa e “gene” cu nos tin comun nos ta traha mas uni.
Nos no mester lubida di trata tur hende manera hende sin importa di unda nan ta bin. Nunca nos no mester lubida ken nos ta y kico ta nos misión den bida.
Afirmacion:
“Cada dia den tur forma ami ta bira miho y miho, cada dia den tur forma abo ta bira miho y miho, cada dia den tur forma nos ta bira miho y miho, cada dia den tur forma bida ta bira miho y miho.”
Dor di haci esaki tur dia, bo ta habri bo mes p’e regalonan di bida y finalmente bida ta cuminsa bai bon p’abo y tur cu ta rond di bo. CORDA mantene bo mente positivo.
October 4, 2009 - Posted by Mente Positivo - Comments Off
SEMANA DE AMOR
Un feliz día y una feliz semana. De corazón queremos compartir con ustedes la energía de amor, paz y felicidad, y juntos alcanzar la paz colectiva. Hablemos de la paz y vamos a enfocarnos solamente en los aspectos positivos de la vida.
Semilla de sabiduría
Hoy vamos a conversar de las tres formas de amor que existen. En el idioma griego existen tres palabras para el amor: Eros, la pasión sexual que se siente para otra persona; filos, es un amor menos intenso, es un sentimiento de afecto o amistad; el tercero es Ágape, el amor de dios, el amor paternal para toda la humanidad. Este último demuestra los sentimientos que debemos sentir para amar con cariño a todas las personas, incluyendo a quienes no conocemos; es el amor que da sin esperar nada a cambio. Este es el amor que debemos desarrollar; ahora es el momento para implementar este tipo de amor. Vamos a poner nuestra intención en abrir nuestro ser y recibir este amor, el amor divino.
Un lente diferente
En Aruba, tenemos un gabinete de gobierno nuevo, quienes tienen la responsabilidad de cumplir lo prometido durante la campaña electoral, no solamente con hechos pero también con buena actitud. Internacional, los próximos juegos olímpicos en el 2016 se harán en Rio de Janeiro Brasil.
HayHayhhhlllllLa ventana de nuestra vida
Hablemos de nosotros mismo y de cuanto nos amamos. La humanidad entera está buscando la felicidad, amándose a sí mismos. Según un científico el ser humano desconoce su total capacidad para actuar, basándose en su auto estima, la cual es la percepción emocional que tenemos de nosotros mismos. Con un alto nivel de auto estima, el ser humano conoce sus fortalezas, tiene respeto de sí mismo y ayuda a los demás a lograrlo; es un requisito indispensable para la relación con otros seres humanos, es la base de una salud mental y física. Recordemos que debemos cuidarnos primero para poder ayudar a los demás, no es egoísmo es la responsabilidad que tenemos con los otros.
Vive el presente, haz siempre lo que te hace feliz y disfruta esos momentos, celebra las pequeñas cosas, y no olvides de dar gracias por todo.
Señales de amor
La canción de hoy “Vive tu vida”. Habla en profundidad de cómo podemos ser felices con lo que tenemos, como podemos ser iguales, debemos creer en lo que hacemos. Recordemos tratar a los demás como queremos ser tratados a pesar de todas nuestras diferencias.
Resumen y Dialogo:
En resumen hablamos del enfoque en nuestra auto estima, respetarnos y respetar a lo demás, amarse a si mismo primero y así poder amar a los demás; también hablamos de cumplir nuestras promesas con amor, practicando el “Agape” que es el amor y cariño para los otros. Cumple tu propia misión, sin menospreciar la misión de los demás.
¿Bajo qué normas debemos vivir? Debemos vivir con el pensamiento de bienestar para todos. Seamos flexibles siempre. En energía universal tenemos que estar bien para poder amar a los demás, no egoístamente sino como propósito. Las normas cambian según el progreso de la humanidad, y las normas principales como respeto, valor por los demás que pertenecen al ser humano y deben prevalecer.
Las normas pueden quitar le libertad del ser humano, cambiemos nuestra mentalidad de limitación, tengamos la sabiduría necesaria para vivir en unión. Recordemos que sabiduría no es solo el intelecto o la educación que se tenga, pero si la capacidad para comprender las cosas.
Las normas deben salir de nosotros mismos, de ese gene que tenemos en común, que al activarlo trabajaremos unidos.
No debemos olvidar de tratar a todos como persona, sin importar de donde somos. No olvides nunca quiénes somos y cuál es nuestra misión en la vida.
Afirmación:
“Cada día en toda forma YO estoy mejor y mejor, Cada día en toda forma TU estas mejor y mejor, Cada día en toda forma NOSOTROS estamos mejor y mejor, Cada día en toda forma LA VIDA está mejor y mejor.”
Al hacer esto todos los días, te abres a los regalos de la vida y finalmente la vida comienza a ser buena para ti y todos los tuyos. RECUERDA mantén tu mente positiva.
